مرحباً بك بالموقع الرسمي لأحمد أدهم

الثانوية العامة وعنق الزجاجة و غسيل الدماغ





سالخييير..

انا احمد ادهم.. المنوماتي اللي هييجي يتكلم شوية على تجربة #عنق_الزجاجة.. وعلاقتها بالتنويم المغناطيسي واتطمنوا الموضوع بدون اسرار.. القصة كلها هدووء..

هتكتشف ان عنق الزجاجة الثانوية العامة دي كلها عبارة بزرة في بطيخة.. الموضوع مش زي مانت فاهم.. انت بس شايفها عنق الزجاجة عشان كلام بابا و ماما ان سعاد بنت خالتو عفاف جابت 95% وانت لازم تجيب احسن منها ولا عايز تبقى زي الواد علي الفاشل ابن عمتو تفيدة؟!!

ده سبب مهم جداا و والحاجة التانية اللي بتأكدلك انها فعلا عنق الزجاجة ان المدرسين مصاصين الفلوس بيقنعوك ان المنهج صععععععب الثانوية العااااااامة عااااااااا عشان تستمر معاه و تاخد حصص زيادة..
غير بقة صحابك و الصور اللي بيرفعوها والناس اللي كانت بترفعها عن الثانوي والرعب اللي فيها.. حتى من قبل ماتدخلها..







هنا علميًا حصل حاجة اسمها غسيل دماغ ودي تابعة لحاجة اسمها التنويم الضمني.. يعني اية الكلام ده :O  شكله مهم

الحقيقة ان التنويم المغناطيسي في منه اللي يدخلك في حالة التنويم وانت عارف عشان يزرع بعقلك شوية افكار و معتقدات و بإذنك وبرضاك لهدف معين زي جلسات كتير ليا على اليوتيوب.. 


وفي نوع تاني من التنويم اسمه التنويم الضمني و هو انه بيدخلك في حالة التنويم وانت مش عارف وبالتالي بيحط في عقلك شوية جمل و افكار.. مع التكرار يحصل حاجة اسمها غسيل دماغ :D  يعني الزن عالودان امر من السحر وبالتالي عقلك الباطن يبدأ يتأكد 100000% انك في الثانوية العامة بنت الستين في سبعين اللي هتطلع عينك وهتطلع فلوس اهلك..

وبعد ماتدخل الجامعة هتكتشف ان الموضوع تافه جداا وانك لو ينفع ترجع هتجيب مجموع يدخلك كلية احمد زويل قسم مجدي يعقوب وبكل سهولة كمان :D :D

دي عنق الزجاجة.. وده شوية عن #التنويم_المغناطيسي.. وتفسير للي بيحصلك في الثانوية (لو كنت بتذاكر) .. او اللي المفروض يحصلك (لو كنت مقضيها)..